ئاگرەکەی بەندەری بەیروت کۆنتڕۆڵکرا
دوای زیاتر لە 20 کاتژمێر، ئەو ئاگرەکەی لە بەندەرەکەی بەیروت کەوتبووەوە لەلایەن بەرگری شارستانی ئەو شارەوە کۆنترۆڵکرا.
رۆژی پێنجشەممە 2020/09/10 ئاگر لە کۆگاکانی لیژنەی خاچی سووری نێودەوڵەتی لە بەندەری بەیروت کەوتەوە و بەهۆیەوە دەیان هەزار بەستە خۆراک و 500 هەزار لیتر رۆنی خواردن و هەزاران تایەی ئۆتۆمبێل سووتان.
لەدوای زیاتر 20 کاتژمێر لە کەوتنەوەی ئاگرەکە، تیمەکانی ئاگرکوژێنەوە بە هاوکاریی تیمەکانی بەرگریی شارستانی و بەشێک لە سوپای لوبنان توانییان کۆنترۆڵی بکەن.