نێردەی ئەمریکا بۆ سووریا جەخت دەکاتەوە لەوەی وڵاتەکەی پاشەکشە لە سووریا ناکات تا داعش بەتەواوی لەناو دەچێت و ڕایدەگەیێنێت، هەر هێرشێک بکرێتە سەر ئەمریکییەکان، وەڵامێکی خێرا و یەکلاکەرەوەمان دەبێت.
فەرماندەیی ناوەندیی ئەمریكاش ڕایگەیاند، لە ئەنجامی بۆسەی چەکدارانی ڕێکخراوی داعش لە سووریا، دوو سەربازی ئەمریکی و وەرگێڕێک کوژراون، سێ سەربازی دیکەش برینداربوون.
لەبارەی هێزەکانی ئەمریکا لە سووریا، باراک گوتی، ژمارەیەکی سەربازیان لە سووریا جێگیرکراون و ئەرکیان تێکشکاندنی داعشە و لاناوبردنی ڕێکخراوەکەیە.