لە نەینەوا کارمەندێکی تەندروستی جیهانی بەر تەقینەوە کەوت

کارمەندێکی رێکخراوی تەندروستی جیهانی لە رۆژهەڵاتی شاری موسڵ بەر تەقینەوە کەوت و برینداربوو.

سەرچاوەیەکی ئەمنی لە پارێزگای نەینەوا رایگەیاند، بەیانی ئەمڕۆ کارمەندێکی رێکخراوی تەندروستی جیهانی WHO بە بۆمبێکی چێنراوکراوەتە ئامانج و بریندار کراوە.

رووداوەکە لەسەر رێگەی ناحیەی بەرتەلە لە رۆژهەڵاتی موسڵ روویداوە و لێکۆڵینەوە دەستیپێکردووە و بریندارەکەش گەیەنراوەتە نەخۆشخانەی موسڵ.