بەڕێوەبەرایەتیی گشتیی هاتوچۆی هەرێمی کوردستان، گۆڕینی سیستەمی دەرهێنانی مۆڵەتی شۆفێری ڕاگەیاند.
دووشەممە، 3ـی ئاداری 2025، بەڕێوەبەرایەتیی گشتیی هاتوچۆی هەرێمی کوردستان لە ڕاگەیەندراوێکدا ئاشکرای کرد، سیستەمی نوێی مۆڵەتی شۆفێری گۆڕا بۆ سیستەمێكی نوێی مۆدێرن، لە پێناو زیاتر وشیاری و وریایی شۆفێر و ناساندنی گشت کەرتە گرنگەکانی شوفێریی لە پێناو سەلامەتی بۆ هەموو لایەک، بەم شێوەیەی خوارەوە:
یەكەم: نۆرەكانی دەرهێنانی مۆڵەتی شۆفێریی جۆرەكانی (A B C1) كە چوونەتە پرۆسەی تاقیكردنەوەی تیۆری و پراكتیكی هەر بە سیستەمی بەركاری پێش دەرچوونی ئەو بڕیارەیە دەبێت.
دووەم: هەر نۆرەیەك كە نەچووبێتە پرۆسەی كرداری هەموو نۆرە گرتنێكی نوێ بۆ دەرهێنانی مۆلەتی شوفێریی گشت جۆرەكانی(A B C D T) بە سیستمی نوێ جێ بەجێ دەكرێت.
سێیەم: دەكرێت خاوەنی مۆڵەتی جۆری (B) ئۆتۆمبێلێک لێبخورێت، كە كۆی گشتی (ئۆتۆمبێل و سەرنشین و بارەكەی) لە (3.5) سێ تۆن و نیو زیاتر نەبێت و جۆرەكانی پیك ئاپ و ئۆتۆمبیلی دوو تەنیش دەگرێتەوە، هەروەها دەكرێت ئامێرەكانی بیناسازی و كشتوكاڵیش لێبخوڕێت، بە مەرجێك كێشی لە (3.5) سێ تۆن و نیو زیاتر نەبێت و خێرایی ئامێری بیناسازی لە (60)كم لە كاتژمێرێكدا زیاتر نەبێت، هەروەها ئامێری كشتوكاڵی خێرایی لە (40)كم زیاتر نەبێت.
چوارەم: وانەکانی تیۆری کە (21) کاتژمێرە دەخوێنن، واتە ڕۆژانە (3) کاتژمێر بۆ ماوەی حەوت ڕۆژ وانەکانی تیۆری تەواو دەخوێنرێت.
پێنجەم: وانەکانی پراکتیکی (12) کاتژمێر بە کرداری لەگەڵ ڕاهێنەر شۆفێری دەکەن، پاشان لە بەڕێوەبەرایەتیی هاتوچۆ لە بەشی مۆڵەتی شۆفێری تاقیکردنەوەکانی تیۆری دەکەن.