ژمارەی گیان لەدەستدانی حاجییانی سعودییە بەرزبووەوە
ئەمساڵ زیاتر لە 500 حاجی لە سعودییە گیانیان لەدەستداوە.
ئاژانسی هەواڵی فەڕەنسا بڵاویکردەوە، تا ئێستا لە مەراسیمی حەجکردن لە وڵاتی سعودییە 550 حاجی گیانیانلەدەستداوە کە زۆرینەی هۆکاری گیانلەدەستدانەکان بەهۆی گەرماوە بووە.
ئاماژە بەوە کراوە، لەو ژمارەیە 323 کەسیان هاوڵاتی میسرین و 60 کەسیشیان خەڵکی ئوردنن.
هاوکات رۆژگار جەعفەر، بەرپرسی راگەیاندنی شاندی حاجییانی هەرێمی کوردستان ڕایگەیاند، ئەمساڵ 15 حاجی هەرێمی کوردستان گیانیان لەدەستداوە، 14یان بە رێگەی ڤیزەی یەک ساڵی چوون.