ئەمڕۆ پێنجشەممە 19/10/2023، میدیا جیهانییەكان بڵاویان كردەوە، مارك زووكەربێرگ، خاوەنی كۆمپانیای (مێتا)ی ئەمریكی، لە پۆستێكدا ئاشكرای كردووە، لە داهاتوویەكی نزیكدا، بەكارهێنەرانی واتس ئاپ دەتوانن دوو هەژماری جیاوازی واتس ئاپ، لەسەر یەك مۆبایل بەكار بهێنن.
تا ئێستا هەموو ئەو كەسانەی لە ڕێگەی دوو ژمارەوە واتس ئاپیان هەیە، پێویستە لە ڕێگەی دوو مۆبایلی جیاوازەوە واتس ئاپ بەكار بهێنن، خاوەنی كۆمپانیای مێتاش بەڵێنی داوە، كە لە داهاتوویەكی نزیكدا، تایبەتمەندیی بەكارهێنانی دوو هەژماری واتس ئاپ لەسەر یەك مۆبایلدا، بەردەست دەبێت.
لە چەند هەفتەیەكی داهاتوودا، ئەو تایبەتمەندییە، كە ماوەیەكی زۆرە لەلایەن بەكارهێنەرانی واتس ئاپەوە داوا دەكرا، لەسەر هەردوو سیستەمی IOS و ئەندرۆید بەردەست دەبێت.