رۆژی شەممە 7/10/2023، بە گوڕی 6.3 پلەی رێختەر بومەلەرزەیەک پارێزگای ھیراتی ئەفغانستانی ھەژاند و لە پارێزگای مەشھەدی ئێرانیش ھەستی پێكراوە.
بەرپرسانی تاڵیبان بڵاویانکردەوە، بەهۆی ئەو بومەلەرزەی هەرێمی هیراتی لە باکووری رۆژئاوای ئەفغانستان هەژاند، تائێستا زیاتر لە هەزار کەس گیانیان لەدەستداوە و نزیکەی هەزار کەسی دیکەش برینداربوون، ئەوە جگە لە بێسەروشوێن بوونی دەیان کەسی دیکە.
بەرپرسانی تاڵیبان باسیان لەوەشکردووە، بومەلەرزەکەی 7ی ئۆکتۆبەر بە گوڕی 6.3 پلەی رێختەر و بە قوڵای 7.7 کیلۆمەتر لە هەرێمی هیراتی روویداوە، بەهۆیەوە زیاتر لە 12 گوندی ئەو ناوچەیە بە تەواوی وێران بوون.
داواشیان لە کۆمەڵگەی نێودەوڵەتی کرد، بەدەم بانگەوازەکەیانەوە بچن و هاوکاری لێقەوماوانی بومەلەرزەکەی هیرات بکەن.