لیۆنێل میسی، ئەفسانەی مێژوویی یانەی بارسێلۆنای ئیسپانی ئیدارەی یانەکەی ئاگادارکردۆتەوە کە ئەم هاوینە ڕیزەکانی یانەکە کەتەلۆنییەکە جێدێڵێت.
کەناڵی Esporte Interativo رایگەیاند، دوای دۆڕانیان بەرامبەر یانەی بایرن میونشن، لیۆنێل مێسی داهاتووی خۆی یەکلایی کردووەتەوە و بەرپرسانی یانەکەی ئاگادارکردووە کە نایەوێ گرێبەستەکەی نوێ بکاتەوە و ئەم هاوینە یانەکەی جێدەهێڵێت
بریارە کارگێری یانەکەی هەرێمی کەتەلۆنیا سبەی دووشەممە کۆبوونەوەیەکی بەپەلە بکات و هەوڵبدەن مێسی پاشگەزبکەنەوە.
تائێستا دیار نییە لیۆ دەیەوێت یاری بۆ کام یانە بکات، بەڵام یانەکانی مانچێستەر سیتی ئینگلیزی، ئینتەر میلانی ئیتاڵی و ئینتەر میامی ئەمریکی لەسەر هێڵن و ئامادەن ئەو یاریزانە بگوازنەوە ریزەکانیان.