راگەیەندراوێک لەبەڕێوەبەرایەتی ئاسایشی هەولێرەوە سەبارت بە کوژرانی (سێ) ئەندامی خانەوادەیەک لەگەڕەکی (سەرکارێز) ی شاری هەولێر.
ده‌قی راگه‌یه‌ندراوه‌كه:
دوای ئەوەی تیمەکانمان لە بەڕێوەبەرایەتی پۆلیسی هەولێر ئاگادار کرانەوە لەحاڵەتی کوژرانی سێ ئەندامی خانەوادەیەک لەماڵەکەی خۆیاندا کە پێکهاتبون لە پیاوێک و هاوسەرەکەی و منداڵێکی کچ ، بەناوەکانی(عبداللە حمد شێخە،تەمەنە ٦٦ساڵ) و (فهیم مولود ڕسول ، تەمەن ٥٣ ساڵ) و (سانا عبداللە حمد تەمەن ١١ساڵ).
دەست بەجێ لەلایەن تیمەکانمان دەست بەئەنجامدانی لێکۆڵینەوە کرا بۆ دۆزینەوەی ناسنامەی بکەری ئەم تاوانەو لەماوەیەکی کەمدا توانینمان ناسنامەی تۆمەتباری سەرەکی ئەم تاوانە ئاشکرا بکەین کەناوی(كه‌ریم كانبی حسن)دانیشتوی هەمان گەڕەکە و بەرەو شوێنێکی نادیار هەڵاتبوو.