ریشی سوناک وەزیری پێشووی دارایی بەریتانیا ڕۆژی یەکشەممە 23-10-2022 پشتڕاستی کردەوە کە خۆی بۆ پۆستی سەرۆکوەزیرانی بەریتانیا کاندید دەکات.
ناوبراو لە هەژماری تایبەتی خۆی لە تۆڕی کۆمەڵایەتی تویتەر رایگەیاند: “شانشینی یەکگرتوو وڵاتێکی گەورەیە، بەڵام ڕووبەڕووی قەیرانێکی قووڵی ئابووری دەبینەوە، بۆیە دەمەوێت ببم بە سەرۆکی پارتی پارێزگاران و سەرۆکوەزیرانی داهاتووتان.”
سوناک لە کێبڕکێی جێگرەوەی بۆریس جۆنسۆن لە مانگی ئەیلوولی رابردوودا لە لایەن ترەسەوە شکستی پێ هێنرا، پاش ئەوەی لە رۆژی 5ـی ئەیلوولـی 2022، ئەندامانی پارتی پارێزگارانی بەریتانیا، (لیز ترەس)ـیان بە سەرۆکی نوێی حزبەکەیان هەڵبژارد.
سوناک ئاماژەی بەوەشکردووە، “داوای دەرفەتتان لێدەکەم بۆ ئەوەی یارمەتیدەر بین لە چارەسەرکردنی کێشەکانمان”.