زاوایەک لە ئاهەنگی هاوسەرگیرییەکەیدا گولـلەیەکی بەرکەوت و گیانی لەدەستدا
سه‌رچاوه‌یه‌كی ئه‌منی له پارێزگای مووسڵ رایگه‌یاند: “ئه‌مڕۆ پێنجشه‌ممه 6/10/2022، گه‌نجێكی ته‌مه‌ن 35 ساڵ به ناوی داود جحه‌یشی، له نه‌ته‌وه‌ی عه‌ره‌ب، له كاتی ئاهه‌نگی هاوسه‌رگیرییه‌كه‌ی، له‌و كاته‌ی كه له ته‌نیشت بووكه‌كه (هاوسه‌ر)ه‌كه‌ی دانیشتبوو، له‌و كاته‌دا گولـله‌یه‌كی وێڵی به‌رده‌كه‌وێت و ده‌ستبه‌جێ گیان له‌ده‌ست ده‌دات.
سه‌رچاوه‌کە راشیگه‌یاند، له كاتێكدا كه ئاماده‌بوانی ئاهه‌نگه‌كه سه‌رقاڵی شادی و هه‌ڵپه‌ركێ بوون، وه‌ك نه‌ریتێكی هۆزه عه‌ره‌بییه‌كان بۆ ده‌ربڕینی خۆشی، ته‌قه‌یه‌كی زۆر كراوه، به‌هۆی ته‌قه‌ی هه‌ڵه‌ی یه‌كێك له ئاماده‌بوانی ئاهه‌نگه‌كه، گووللـه‌یه‌ك به‌ر زاوا ده‌كه‌وێت و ئه‌و كاره‌ساته‌ی لێ كه‌وتووه‌ته‌وه و شادی و خۆشییان لێ بووه به شین و گریان.
باس نیوز