زەنگی هەڵگیرسانی شەڕ لە عێراق لێدرا

لە نوێترین تۆماری دەنگیی دزەپێکراودا، نووری مالیکی، سەرۆکی هاوپەیمانی یاسا دەڵێت، قۆناغی داهاتوو قۆناغی شەڕە و دژی موقتەدا سەدر شەڕ دەکات.

لە تۆمارە دەنگییە دزەپێکراوەکەی نووری مالیکی، سەرۆکی هاوپەیمانیی دەوڵەتی یاسا کە بەشی چوارەمەوە و تازە بڵاوکراوەتەوە تێیدا دەڵێ، “قۆناغی داهاتوو قۆناغی شەڕە، بۆ رووبەڕووبوونەوە و شەڕ لە دژی موقتەدا سەدر هێرش دەکەینەسەر نەجەف.”
مالیکی دەشڵێت، ” ھەرکەسێک بەرگری لە خۆی دەکات، منیش بەرگری لە خۆم دەکەم، متمانەم بە سوپا و پۆلیس نییە، بەڵکو خۆم پڕچەک دەکەم و شەڕ دەکەم، دەبابە و زرێپۆش و درۆنمان هەیە.”
مالیکی، هێرش دەکاتەسەر بەرپرسانی حەشدی شەعبی و دەڵێت، “حەشدی شەعبی لەلایەن ترسنۆکەکانەوە کۆنتڕۆڵکراوە.”