ئه‌مڕۆ سێشه‌ممه 5/7/2022، وه‌زاره‌تى شاره‌وانى و گه‌شتوگوزار ڕاگه‌یاندراوێكى بڵاو كرده‌وه، تێیدا هاتووه: “وەزارەتی شارەوانی و گەشتوگوزار ڕەزامەندی نیشان دا لەسەر خەرجكردنی گوژمەیەك بە بڕی 136 ملیۆن و 736 هه‌زار دینار، بۆ جێبەجێكردنی سێ پرۆژەی تایبەت بە سێكتەری ئاو و ئاوەڕۆ لە سنووری شاری هەولێر و دەوروبەری”.
ئه‌وه‌ش خراوه‌ته ڕوو، گوژمەكە لەسەر ڕێژەی 17%ی داهاتی بەڕێوەبەرایەتیی ئاو و ئاوەڕۆی هەولێرە و بە مەبەستی جێبەجێكردنی پرۆژەكانی دروستكردنی ئاوەڕۆی لوولەیی لە گەڕەكی كۆمەڵەی ژین لە شارۆچكەی بەحركە و چاككردنەوەی كارەبا و میكانیك لە وێستگەی ئاوی ئیفراز 1و2، هەروەها لەگەڵ كڕینی پاتری بۆ ئامێر و مۆلیدەكانی سەر بە بەڕێوەبەرایەتیی ئاو و ئاوەڕۆی هەولێر.