بەهۆی خۆڵبارینەوە پشووی فەرمی ڕاگەیەنرا
سەرۆکوەزیرانی عێراق سبەی دووشەممە لە عێراق کرایە پشووی فەرمی.
ئەمڕۆ یەکشەممە 22/5/2022، ئەمیندارێتی گشتی ئەنجوومەنی وەزیرانی عێراق لە ڕاگەیەنراوێکی بڵاویکردەوە، بەهۆی خراپی کەشوهەوا و شەپۆلی خۆڵبارین کە ناوچە جیاجیاکانی عێراق دەگرێتەوە، مستەفا کازمی، سەرۆکوەزیرانی عێراق بڕیاریدا سبەی دووشەممە 23/5/2022، لە سەرجەم دام و دەزگا فەرمییەکان پشووی فەرمی دەبێت، جگە لە فەرمانگەکانی تەندروستی و ئەمنی و خزمەتگوزارییەکان.