چەند بڕیارێک لە لیژنەی باڵای بەرەنگاربوونەوەی کۆرۆناوە
لیژنه‌ی باڵای به‌ره‌نگابوونه‌وه‌ی كۆرۆنا له هه‌رێمی كوردستان كۆبووه‌وه و چه‌ند بڕیارێكی له چوارچێوه‌ی ڕێكاره‌كانی خۆپارێزی له كۆرۆنا دا.
ئه‌مڕۆ دووشه‌ممه 25/10/2021، لیژنه‌ی باڵای به‌ره‌نگابوونه‌وه‌ی كۆرۆنا له هه‌رێمی كوردستان كۆبووه‌وه و چه‌ند بڕیارێكی له چوارچێوه‌ی ڕێكاره‌كانی خۆپارێزی له كۆرۆنا دا و بڕیاری به‌رده‌وامیی پرۆسه‌ی خوێندنی له ناوه‌نده‌كانی خوێندنی سه‌ر به وه‌زاره‌تی په‌روه‌رده و خوێندنی باڵا درا.
ده‌قی بڕیاره‌كان
1- بەستنی ماسک بۆ ھەموو ئەو کەسانەی ڤاکسینیان وەرگرتووە و ئەوانەی ڤاکسینیان وەرنەگرتووە لە شوێنە داخراوەکان، دەبێتە ناچاری
2-ھەموو فەرمانبەرانی حکومەت بە ھێزەکانی ناوخۆ و پێشمەرگە لەماوەی دوو مانگدا ڤاکسین وەربگرن، بەپێچەوانەوە بەپێی یاسای بەرزەفتی فەرمانبەران، مامەڵەیان لەگەڵدا دەکرێت.
3- ھەموو ئەوانەی لە کەرتی تایبەت کار دەکەن، پێویستە کارتی ڤاکسینیان ھەبێت
4 – مامۆستا و فەرمانبەرانی قوتابخانە و زانکۆ و پەیمانگەکان، هه‌روه‌ها ئەو قوتابیانەی کە تەمەنیان لە سەرووی 18 ساڵەوەیە، دەبێت تاوەکو 1-12-2021 ڤاکسینیان وەربگرێت.
5- پرسەدانان بەھەموو شێوەیەک قەدەغەیه
6- پێویستە مامۆستایانی ئایینی ھاوکاربن لە بڵاوکردنەوەی ھۆشیاری و رێنمایی تەندروستی.
7 – دایکان و باوکان دەتوانن تاوەکو 31-10-2021 بڕیار بدەن کە منداڵەکانیان بچنە قوتابخانە یان بەشێوەی ئۆنلاین بخوێنن.
8- لە کۆڕ و کۆبوونەوەکاندا دەبێت بەشداربووان کارتی ڤاکسین یان پشکنینی کۆرۆنایان پێبێت.
9- پێویستە پۆلیسی ھاتووچۆ رێکارەکانی تایبەت بە شۆفێر و سەرنشینەکان جێبەجێ بکەن.