سبەی جەواد زەریف دەگاتە بەغداد
بڕیارە سبەی یەکشەممە محەمەد جەواد زەریف، وەزیری دەرەوەی ئێران بە سەردانێکی فەرمی بگاتە بەغدا و لەگەڵ بەرپرسانی عێراق کۆببێتەوە.
بەگوێرەی میدیای فەرمی ئێران، سبەی یەکشەممە 2020.7.19 وەزیری دەرەوەی ئێران سەردانی بەغدا دەکات و لەگەڵ فواد حوسێن وەزیری دەرەوەی عێراق کۆ دەبێتەوە و دواتر کۆنگرەیەکی رۆژنامەوانی هاوبەش دەکەن.
سبەی دەبێتە چوارەمین سەردانی زەریف بۆ عێراق، ئەمەش لەکاتێکدایە کە بڕیارە لە چەند رۆژی داهاتوو مستەفا کازمی، سەرۆک وەزیرانی عێراق سەردانی سعودیە، ئێران و ئەمریکا بکات.