حەسەن رۆحانی: زیاتر لە 50 ملیۆن ئێرانی لەژێر هەڕەشەی كۆرۆنادان
سەرۆك كۆماریی ئێران، حەسەن ڕۆحانی ڕایگەیاند: وڵاتەكەی بەتەواوەتی گیرۆدەی ڤایرۆسی كۆرۆنا بووە و هەتا ئێستا زیاتر لە 50 هەزار هاوڵاتی ئێرانی لەژێر هەڕەشە و مەترسی ڤایرۆسی كۆرۆنادان.
حەسەن رۆحانی وتیشی: ئێستا زیاتر لە 25 هەزار هاوڵاتی لە تەواوی شارەكانی ئێران توشی ڤایرۆسی كۆرۆنا بوون و زیاتر لە 35 ملیۆن هاوڵاتی ئێرانیش لەژێر مەترسی توشبوون بە ڤایرۆسەكەدان.
سەرۆك كۆماری ئێران حەسەن رۆحانی وتیشی: هەموو هەوڵێكیان داوە بۆ ئەوەی دۆخی وڵاتەكەیان ئاسایی بكەنەوە و كێشەی ئابوریی و نەخۆشی لە وڵاتەكەدا چارەسەر بكەن بەڵام تا دێت توشبون بە ڤایرۆسی كۆرۆنا لە وڵاتەكەدا روو لە زیادبوون دەكات.