وەزارەتی تەندروستی بەرازیل رایگەیاند، تەنیا لە یەک ڕۆژدا 1300 تووشبووی کۆرۆنا گیانیان لە دەستداوە.
وەزارەتی تەندروستی بەرازیل لە راگەیەنراوێکیدا ئاماری یەک رۆژی تووشبوون و مردنی بە کۆرۆنا بڵاوکردەوە و رایگەیاند، تەنیا لە یەک ڕۆژی رابردوودا 41هەزار و 857کەس تووشی کۆرۆنا بوون و 1300کەسیش بە کۆرۆنا گیانیان لە دەستداوە.
لە ڕووی زۆری ژمارەی تووشبووان و قوربانیانی کۆرۆنا، بەڕازیل دووەم وڵاتە لە جیهان کە زۆرترین تووشبووی کۆرۆنای تێدا تۆمارکراوە، هۆکارەکەش بۆ ئەوە دەگەڕێتەوە کە لە سەرەتای بڵاوبوونەوەی ڤایرۆسەکەدا جەیر بۆلسۆنارۆ، سەرۆکی بەڕازیل ئامادەنەبوو رێکاری تەندروستی بگرێتەبەر.
