04-11-2021
لوقمان بیارەیی
من ھەر وام بیستووە کە، تەنھا سیاسی و زانا ئەتۆمییەکان ژەھرخوارد دەکرێن کەچی، ئێستا تەلبڕیش ژەھرخوارد دەکرێت! دوای ڕاپەڕین چونکە پارتی حیزبێکی بە سەنگ و متمانە بوو، ئیتر زۆربەی کۆنە مستەشارەکان لە دەوری پارتی خڕ بوونەوە، لەولاشەوە ھەرچی شەوکوت و تەلبڕ بوو لە یەکێتی کۆبوونەوە، جا ئەمانە کە ئێستا ناو و شۆرەتێکیان ھەیە خۆ ھی سەقافەیان و خەباتی سیاسییان نییە لە ناو یەکێتی-یدا، ھی سەردەمی تەلبڕینەکەیە تا ئێستاش مەفعولی ماوە.
سەرنج بدەن زۆربەی ھێرشەکان بۆ سەر«مەسرور بارزانی»لای ئەوانەوە دەکرێن کە موئەھەلاتی مەعریفی و سیاسی پێویستیان نییە تا، لەو فەزا و دنیایەدا بژین و سیاسەت بکەن کە، مەسرور بارزانی کار بۆ بونیادنانی دەکات، ئەوانە ھەمیشە لە ناو فەوزا و چەتەگەریدا تەقوییەی شۆرەت و وجوودی خۆیان کردووە، جا ئێستا کە ئەو مەودایە کەم بۆتەوە ئیتر، ھەم لە داخا و ھەم بۆ ئەبدەیتی شۆرەتیش پەلاماری مەسرور ئەدەن.
باوەڕتان ھەبێت ھیچ شتێک ڕاست نەبێت، ئەو قسەیە دەبێت لە جام بگیرێت کە دەڵێن: ھەموو کەس پارتی-بوونێک قەرزارە! ئاخر خوا شاھیدە پارتی و ماڵەبارزان نەبوونایە ئێستا: یەک عەموود بە پێوە نەمابوو، یەک لۆری نەیدەتوانی بە شەو بکەوتبایەتە ڕێ بۆ مەرز، کوڕم دەویست بێ ئەوەی بەشی ئەمانە بدات شەوی صەد شاورمەی بفرۆشتایە، کورە ئەوانەی کە جیلی نوێ و نەوەی نوێ و تازە نەفەسن پێویستە ئەم شتانە بزانن، بزانن ئەوە سێبەری پارتی و ماڵەبارزانە خەڵک مقەست و حەفتاوپێنجییەکەی شاردۆتەو
