مەسعوود پزیشکیان داوایەک لە هێزە ئەمنییەکان دەکات

مەسعوود پزیشکیان، سەرۆککۆماری ئێران، داوای لە دەزگا ئەمنییەکان و هێزەکانی جێبەجێکردنی یاسا کرد کە بە هیچ شێوەیەک ڕووبەڕووی خۆپیشاندەران نەبنەوە و پەنا بۆ توندوتیژی نەبەن. ئەم داوایەی پزیشکیان لە کاتێکدایە کە ژمارەیەک لە شارەکانی ئێران لەم ڕۆژانەی سەرەتای ساڵی 2026دا، شەپۆلێکی نوێی ناڕەزایەتییان بەخۆیەوە بینیوە و سەرۆککۆمار جەخت لەسەر پێویستی پاراستنی مافی دەربڕینی هاووڵاتییان و هێورکردنەوەی گرژییەکان دەکاتەوە.

کۆماری ئیسلامیی ئێران لە ساڵانی ڕابردوودا چەندین شەپۆلی توندی ناڕەزایەتی بەخۆیەوە بینیوە کە زۆرجار بە توندوتیژی لەلایەن هێزە ئەمنییەکانەوە وەڵام دراونەتەوە و قوربانی زۆری لێکەوتووەتەوە. مەسعوود پزیشکیان کە وەک کەسایەتییەکی میانڕەو دەستبەکار بووە، هەوڵ دەدات لە ڕێگەی گۆڕینی شێوازی مامەڵەی هێزە ئەمنییەکانەوە ڕێگری لە تەقینەوەی زیاتری توڕەیی شەقام بگرێت، ئەمەش لە کاتێکدایە کە قەیرانی ئابووری و داواکارییە کۆمەڵایەتییەکان هێشتا وەک هۆکاری سەرەکیی بێزاریی هاووڵاتییان لە ناوخۆی ئەو وڵاتەدا ماونەتەوە.