ئیسرائیل لەرۆژێکدا زیاتر لە 400 فەڵەستینی دەکوژێت
لە هێرشەکانی ڕۆژی ڕابردووی سوپای ئیسرائیل بۆ سەر ناوچە جیاوازەکانی کەرتی غەززە زیاتر لە ٤٠٠ فەڵەستینی کوژران.
بە پێی ئاژانسی هەواڵی فەڵەستینی WAFA، لەسەدا ٧٠ی قوربانیانی ڕۆژی ڕابردوو، منداڵان و ژنان و بەساڵاچووان بوون.
ئاژانسی هەواڵی فەڵەستین بڵاویشی کردەوە کە بە هۆی هێرشەکانی ٧ی تشرینی یەکەمەوە، ژمارەی قوربانیانی کەرتی غەززە گەیشتووەتە چوار هەزار و ٧٠٠ کەس.
لە ئەنجامی هێرشە ئاسمانییەکان و وشکانییەکان کە لە زۆربەی شوێنەکانی کەرتی غەززەدا بەردەوام بووە، بە هۆیەوە زیاتر لە ٤٠٠ فەڵەستینی لە یەک ڕۆژدا کوژراون.
سەرچاوە تەندروستییەکان ڕایانگەیاندووە، لە ئەنجامی هێرشەکانی ئیسرائیل ڕۆژی یەکشەممە، ٤٤ هاووڵاتیی فەڵەستینی لە کەمپی پەنابەرانی خان یونس، ٥٧ هاووڵاتی لە ڕەفەح، ١٦٨ کەس لە بەشی ناوەڕاستی شارەکە، ٦٦ هاووڵاتی لە ناوەندی شاری غەززە و ٤٤ هاووڵاتی لە ناوچە جیاوازەکانی باکووری غەززە گیانیان لەدەستداوە.
هەروەها بە هۆی هێرشەکانەوە لە شاری ڕەفەح نزیک سنووری میسر، ٦ کەس کوژراون و ١١ کەسیش بریندار بوون.
ڕۆژی ڕابردوو فڕۆکە جەنگییەکانی ئیسرائیل ناوچەکانی دەوروبەری نەخۆشخانەی شیفا و نەخۆشخانەی قودس لە کەرتی غەززە’یان کردووەتە ئامانج.
سەرچاوە: AA