عێراق.. لە 24 کاتژمێردا 2 پزیشک بە کۆرۆنا مردوون
رۆژ بە رۆژ ڤایرۆسی کۆرۆنا لە عێراق زیاتر تەشەنە دەکات، ئێستا ئەو ڤایرۆسە بەرۆکی ژمارەیەکی زۆر پزیشکیشی گرتووە و لە 24 کاتژمێردا 2 پزیشک بە کۆرۆنا گیانیان لەدەستداوە.
لە 24 کاتژمێردا دکتۆر هیشام جەنابی لە پارێزگای بابل و دکتۆر عەلی موسا لە پارێزگای موسەننا، بەهۆی تووشبوونیان بە ڤایرۆسی کۆرۆنا گیانیان لەدەستداوە.
د.هیشام لە چەند ڕۆژی رابردوودا 3 ئەندامی خانەوادەکەی بە کۆرۆنا مردوون و چەکد کەسێکی تریشی تووشبوون.
فارس بریفکانی، ئەندامی شانەی قەیرانەکانی عێراق بە تۆڕی میدیایی باڵكێشی راگەیاند، دۆخی عێراق ڕۆژ بە ڕۆژ خراپتر دەبێ، هاووڵاتییانیش وەکو پێویست رێنماییەکان جێبەجێ ناکەن، نەخۆشخانەکان پڕبوون و جێگەش نەماوە، ئەوەشی جێگەی مەترسییە ئەوەیە کە ژمارەیەکی زۆری پزیشک ڕۆژانە تووش دەبن.
