دایک و باوکێک منداڵەکانیان بە 15 دەفتەر دەفرۆشن
دوو هاوسەر لە ئەنبار دەستگیرکران کە دەیانویست کچ و کوری خۆیان بفرۆشن بە ١٥ دەفتەر.
ئەمڕۆ پێنجەممە 4/5/2023، ئاژانسی هەواڵگری و لێكۆڵینەوەی فیدڕاڵیی سەر بە حكوومەتی عێراق، بڵاوی كردەوە، دوای كۆكردنەوەی زانیاریی هەواڵگری لەسەر ئەوەی لە ئەنبار تۆمەبارێك هەوڵ دەدات دوو منداڵی كە یەكێكیان كچە و ئەویتریان كوڕە، بە 150 هەزار دۆلاری ئەمریكی بفرۆشێت، دەستبەجێ تیمێكی ئاژانسی هەواڵگری توانییان ئەو كردەوەیە پووچەڵ بكەنەوە و تۆمەتبارەكەی تریش دەستگیر كرا.
هەردوو تۆمەتبارەكە هاوسەری یەكەن و خەڵكی پارێزگای ئەنبارن و هەردوو منداڵەكەشیان ڕزگار كران، ئەوەش خراوەتە ڕوو، ئەو ژن و پیاوە بە تۆمەتی بازرگانیكردن بە مرۆڤەوە دەستگیر كراون و دۆسیەكەیان لە دادگایە.