شه‌ش به‌رپرسی باڵای عێراق له‌سه‌ر گه‌نده‌ڵی ده‌ستگیركران
كاروان كه‌لاری/ باڵكێش
ڕۆژی 27ی ئابی ئه‌مساڵ، لیژنەى لیکۆڵینەوە لە دۆسیەکانی گەندەڵی له‌لایه‌ن مستەفا کازمی، سه‌رۆكوه‌زیرانی عێراقه‌وه دروستكرا، تاوه‌كو ئێستاش 7 دۆسیەی گەورەى گەندەڵی جوڵاندووە.
ڕۆژی 17ی ئەیلولی ئه‌مساڵیش، له‌سه‌ر داوای ئه‌و لیژنه‌یه هێزێکی سەربازیی سه‌ر به ئه‌نجومه‌نی وه‌زیرانی عێراق، “ئەحمەد ساعیدی”، سەرۆکى پێشووی دەستەی خانەنشینی و 6 بەرپرسی تری عێراقی ده‌ستگیركرد و ڕووبه‌ڕووی دادگای كردنه‌وه.
له‌نوێترین پێشهاتیشدا له نوسراوێكدا داوا ده‌كات دەستبەسەر موڵک و ماڵی “ئەحمەد ساعیدی” و برایه‌كی به‌ناوی سه‌باح و ژن و منداڵەکانیشیدا بگیرێت.