به‌بێ ئه‌وه‌ی به‌كاربێت سه‌ربڕینخانه‌ی كه‌لار به‌كارده‌هێنرێت
كاروان كه‌لاری/ باڵكێش
ساڵێك زیاتره باس له خراپیی خزمه‌تگوزارییه‌كان و نه‌بوونى مه‌رجه ته‌ندروستییه‌كان ده‌كرێت له سه‌ربڕینخانه‌ى كه‌لار، به‌ڵام تائێستا نۆژه‌ننه‌كراوه‌ته‌وه و پرۆژه‌كه‌ش ته‌ندرینى بۆ نه‌كراوه.
عوسمان مسته‌فا، به‌ڕێوه‌به‌رى ڤێرتێنه‌رىی گه‌رمیانیش دەڵێت: “به‌شێك له گرفته‌كانى سه‌ربڕینخانه‌كه چاره‌سه‌ر كراوه، به‌ڵام بۆ ڕێكخستنه‌وه‌ى ته‌واوى سه‌ربڕینخانه‌كه ته‌نده‌رینى بۆ ده‌كرێت و ده‌درێته كه‌رتى تایبه‌ت.”
تائێستا ئه‌و پرۆژه‌یه نه‌چووه‌ته بواری جێبه‌جێكردنه‌وه و له‌لای ئه‌و به‌ڕێوبه‌رایه‌تییه‌ش ڕوون نییه كه كه‌ى جێبه‌جێ ده‌كرێت.
سه‌ربڕینخانه‌كه له ماوه‌كانى ڕابردوودا به‌هۆی نه‌گونجاوییه‌وه داخرا، پاش هه‌ندێك ده‌ستكاریی كه‌م و ڕووكه‌شانه، جارێكى تر كرایه‌وه. به‌وته‌ى خودی ڤێتێرنه‌رى گه‌رمیانیش، سه‌ربڕینخانه‌كه نه‌شیاوه و بۆ به‌كارهێنان نابێت، كه‌چى هه‌ر به كاریش ده‌هێنرێت و ئاژه‌ڵی سنوره‌كه‌ى تێدا سه‌رده‌بڕدرێت