مەسرور بارزانی 500ملیۆن دیناری بۆ تەندروستی هەڵەبجە تەرخانکرد
مەسروور بارزانی، سەرۆکوەزیرانی هەرێمی کوردستان بڕی 500 ملیۆن دیناری بۆ تەندروستی پارێزگای هەڵەبجە تەرخانکرد.
وەزارەتی تەندروستی حکومەتی هەرێمی کوردستان لە راگەیێندراوێکدا ئاماژەی بەوەکردووە، بە فەرمانی (مەسروور بارزانی) سەرۆکی حکومەتی هەرێمی کوردستان و لە چوارچێوەی هەوڵەکانی حکومەتی هەرێمی کوردستان بۆ بەرەنگاربوونەوەی نەخۆشی کۆرۆنا، بڕی پێنج سەد ملیۆن دینار بۆ تەندروستی پارێزگای هەڵەبجە تەرخانکرا بۆ دابینکردنی ئامێر و پێداویستی پزیشکی پێویست.
وەزارەتی تەندروستی ئاماژەی بەوەشکردووە، ئەو بڕە پارەیە بەشێکە لە بودجەی فریاگوزاری حکومەتی هەرێمی کوردستان کە بۆ بەرەنگاربوونەوەی نەخۆشی ڤایرۆسی کۆرۆنا بۆ دەڤەر و پارێزگاکانی هەرێمی کوردستان تەرخانکراوە.