وابڕیارە ئێوارەی ئەمرۆ وەزارەتی ئاوقاف، چاودێریی بینینی مانگ بکات، بۆ دیاریکردنی یەکەم ڕۆژی جەژنی ڕەمەزان.
نەبەز ئیسماعیل، گوتەبێژی وەزارەتی ئەوقافی حکومەتی هەرێمی کوردستا، گوتی: “لیژنەی باڵای بینینی مانگ لە دیوانی وەزارەتی ئەوقاف کۆدەبێتەوە، لەگەڵ لیژنە لاوەکییەکانی پارێزگا و ئیدارە سەربەخۆکان چاودێریی بینینی مانگ دەکەن”.
گوتیشی: “لیژنەکە دوای نوێژی ئێوارە چاودێری بینینی مانگ دەکات و ئەگەر هاتوو مانگ بینرا، ئەوا سێشەممە دەبێتە یەکەم ڕۆژی جەژن، ئەگەریش نەبینرا ڕاستەوخۆ چوارشەممە دەبێتە یەکەم ڕۆژی جەژن.”