بە بڕیاری مەسرور بارزانی لە هەڵەبجە 40 پرۆژەی وەبەرهێنان بەبێ باج و ڕسومات بۆ وەبەرهێنەران ئامادە دەکرێت.
ئازاد تۆفیق، پارێزگاری هەڵەبجە لە کۆنگرەیەکی ڕۆژنامەوانیدا ڕایگەیاند: “40 پڕۆژە لە هەڵەبجە بە بێ باج و ڕسومات بۆ وەبەرهێنەران ئامادەکراوە، پرۆژەکان بەشێک لە یاداشتی دواکارییەکانی پارێزگای هەڵەبجە بوو بۆ سەرۆکوەزیران بارزانی”.
لەکاتی سەردانی مەسرور بارزانی بۆ هەڵەبجە، چەند داواکارییەک لەلایەن پارێزگاری شارەکەوە خرایە بەردەم سەرۆکوەزیران و بڕیاری لەسەر دان، یەکێک لە داواکارییەکانیش جێبەجێکردنی پرۆژەی وەبەرهێنان بوو لە شارەکە.
لە چوارچێوەی بڕیارەکانی حکومەتی هەرێمی کوردستان بۆ هاوکاریکردن و بووژاندنەوەی کەرتی وەبەرهێنان لە پارێزگای هەڵەبجە، ئەو پرۆژانە جێبەجێ دەکرێن.