ئەمڕۆ دووشەم 15ی1ی2024، به به‌شداری مه‌سرور بارزانی، سه‌رۆكی حكومه‌تی هه‌رێمی كوردستان 54 هەمین كۆڕبەندی ئابووریی جیهان بە بەشداری چەندین کەسایەتی جیهانی لە داڤۆس بەڕێوەده‌چێت.
لە کۆڕبەندەکە نزیكەی 100 سەرۆکی وڵاتان و سەرۆکوەزیران و میوانی فەرمی ئامادە دەبن، هاوکات نزیكەی دوو هەزار و 800 كەسایەتیی سیاسی، ئابووری، زانستی، كەسایەتییە جیهانییەکان بەشدار دەبن.
له كۆڕبه‌نده‌كه‌دا، گیروگرفتەكانی كەش و هەوا، ئاسایشی وزە و ئابووری جیهان و تەكنەلۆژیا گفتوگۆی له‌سه‌ر ده‌كرێت و وڵاتان و نوێنەری كۆمپانیاكان چارەسەر و پلانەكانیان دەخەنە روو.
كۆڕبەندی ئابووریی جیهانی لە رۆژانی 15 تا 19 ئەم مانگە لە داڤۆس بەڕێوە دەچێت.