لە ڕووباری پیشخابوری سنوری زاخۆ، تەرمی کەسێک دۆزرایەوە.
ئەمرۆ هەینی ٢٢/٩/٢٠٢٣ بەرگری شارستانی زاخۆ ڕایگەیاند: دوانیوەڕۆی ئەمڕۆ پەیوەندیمان پێوەکرا لە بونی تەرمێك لە ڕووباری دیجلە لە پیشخابور.
ئاماژەی بەوەشکردوە، لە کاتی گەیشتن بە شوێنی ڕوداوەکە تیمی مەلەوانی زاخۆ و پیشخابور تەرمەکەیان لە ئاوەکە دەرهێنا.
بەرگری شارستانی زاخۆ دەشڵێت: ئەو کەسە هیچ ناسنامەیەکی پێ نەبوە و تەرمەکەی ڕەوانەی پزیشکی داد کراوە بۆ ناسینەوەی و دۆزینەوەی کەسوکارەکەی.