بەڕێوەبەری کشتوکاڵی هەڵەبجە، “ئەو جووتیارانەی تراکتۆریان پێدەدرێت دەبێ رووبەری باخەکەیان لە سێ دۆنم زیاتر بێت”.
ستار مەحموود، بەڕێوەبەری کشتوکاڵی هەڵەبجە راگەیاند: ئەمڕۆ 80 تراکتۆری بچووک بەشێوەی تیروپشک بەسەر جووتیارانی هەڵەبجە دابەش دەکرێت، کە لە رێگەی رێکخراوێکی ئەڵمانی بە هەماهەنگی لەگەڵ پارێزگای هەڵەبجە دابینکراون.
گوتیشی: “لەبەر ئەوەی ژمارەی تراکتۆرەکان بەراورد بە ژمارەی رەز و باخەکان کەمترە، ناچاربووین بە رێگەی تیروپشک تراکتۆرەکان دابەش بکەین، ئەو جووتیارانە دەگرێتەوە کە رەز و باخەکانیان دەکەوێتە ناوچەی دەشتایی، چونکە ئەوان دەتوانن سوودی لێ ببینن”.
بەڕێوەبەری کشتوکاڵی هەڵەبجە داوایان لە جووتیارەکان کردووە، لە هیچ حاڵەتێکدا تراکتۆرەکە نەفرۆشن، بەڵکو بۆ کارئاسانی کاری کشتوکاڵی سوودی لێ ببینن.
ئەو جوتیارانەی تراکتۆریان پێ دەدرێت، نابێت ڕووبەری باخەکانیان لە سێ دۆنم بچوکتربێت.