بێستون ساڵح ئەحمەد، کە کوڕی شەهیدێکی فەرماندەی باڵای یەکێتییە وازهێنانی خۆی لە ڕیزەکانی ئەو حیزبە ڕاگەیاندو دەلێ :” کوڕی شەهیدی فەرماندە مام ساڵح سەیدمرادیم و زیندانی سیاسی بەرکەوتەی شاڵاوی ئەنفال و ئەندامی مەڵبەندی ١١ی رێکخستنی گەرمیانی ی.ن.ک م .
٢٧ ساڵە کادری یەکێتیم،بەهۆی نادادی و لەبەرچاو نەگرتنی خەبات و قوربانی خۆم و خانەوادەکەم بڕیاری وازهێنانم لە یەکێتی ڕادەگەیەنم.
دەقی نامەی وازهێنانەکەی :
بەناوی خوای گەورە
بۆ ڕای گشتی
ب/ وازهێنان لە یەکێتی
باوکەگیان بمبورە لەدوای ٣٩ ساڵ لە شەهیدبوونی تۆ پێویست بوو ئەم بڕیارە بدەم.
من (بێستون ساڵح ئەحمەد) کوڕی شەهیدی فەرماندە مام ساڵح سەیدمرادیم و زیندانی سیاسی بەرکەوتەی شاڵاوی ئەنفال و ئەندامی مەڵبەندی ١١ی ڕێکخستنی گەرمیانی ی.ن.ک م .
٢٧ ساڵە کادری یەکێتیم،
بەهۆی نادادی و لەبەرچاو نەگرتنی خەبات و قوربانی خۆم و خانەوادەکەم بڕیاری وازهێنانم لە یەکێتی ڕادەگەیەنم ، وازهێنان لەو یەکێتییەی کەبە بەشێک لەجەستەی خۆمم زانیووە ،وازهێنان لەو یەکێتییەی کەپێموابووە بێ ئەو ناژیم، وازهێنان لەو یەکێتییەی وەك منداڵەکانم خۆشم ویستووە.
لێرەوە وازهێنانم لە یەکێتی نیشتیمانی کوردستان ڕادەگەیەنم و لە ئێستاوە هیچ پەیوەندییەکم بەیەکێتی یەوە نامێنێ.
لەگەڵ ڕێزدا.
بێستون شەهید مام ساڵح سەیدمرادی.
٢٠٢٣/٢/١