سەرۆکایەتیی هەرێمی کوردستان رایگەیاند، سەرۆکی هەرێمی کوردستان ئەمڕۆ لەسەر بانگهێشتی فەرمیی قەتەر دەچێتە ئەو وڵاتە و لەگەڵ ژمارەیەک لە سەرکردەکانی جیهان ئامادەی یاریی کۆتایی جامی جیهانی دەبێت.
رۆژی يه‌كشه‌ممه 18-12-2022 سەرۆکایەتیی هەرێمی کوردستان رایگەیان، نێچيرڤان بارزانى، سه‌رۆكى هه‌رێمى كوردستان له‌سه‌ر بانگهێشتى فه‌رميى شێخ ته‌ميم بن حه‌مه‌د ئال سانى، ميرى قه‌ته‌ر ده‌گاته ده‌وحه‌ى پايته‌ختی ئەو وڵاتە.
لەبارەی هۆکاری سەردانەکەش سەرۆکایەتیی هەرێمی کوردستان دەڵێت، “له‌م سه‌ردانه‌يدا به‌ڕێز سه‌رۆكى هه‌رێمى كوردستان له‌ته‌ك ژماره‌يه‌كى به‌رچاوى سه‌ركرده‌ى وڵاتانى جيهان، ئاماده‌ى به‌ڕێوه‌چوونى ياريى كۆتاييى جامى جيهانيى تۆپى پێ ده‌بێت.”