وەزارەتی سامانە سروشتییەکان ڕوونکردنەوە دەدات
دەقی ڕاگەیەندراوەکە:
زیاتر لە 134 هەزار خێزان نەوتیان وەرگرتووە
وەزارەتی سامانە سروشتییەكان تا رۆژی 20/11/2022، بڕی 28 ملیۆن و 560 هەزار و 243 لیتر نەوتی دابین كردووە. لەو بڕەش 26 ملیۆن و 848 هەزار و 800 لیتر نەوتی سپی بەسەر هاوڵاتیانی ناوچە شاخاوییەكانی پارێزگاكان و ئیدارە سەربەخۆكانی كوردستان دابەش كردووە و 134 هەزارو 244 خێزان لێی سوودمەند بوون.
پرۆسەی دابەشكردنی نەوتی سپی بەردەوامە و دوای تەواوبوونی قۆناغی یەكەم لە ناوچە شاخاوییەكان راستەوخۆ قۆناغی دووەمی دابەشكردنی نەوتی سپی بەسەر ناوچەكانی دەوروبەری شارەكاندا دەستپێدەكرێت و، دوا قۆناغیش لەناو سەنتەری شارەکاندا دەبێت.