کارەبای نیشتمانی دەبێتە 24 کاتژمێری
وەزارەتی كارەبای حكومەتی هەرێم بڵاویكردەوە: لەو شوێنانەی كە سیستەمی پریپەید دانراوە، هاوڵاتییان پارەیەكی كەمتر بە كرێی كارەبا دەدەن.
كامیل قەزاز، بریكاری وەزارەتی كارەبا دەڵێت: تا ئێستا سیستەمی پریپەید بە شێوەی ئەزموونی لە شەش شوێن جێبەجێ كراوە، دوو شوێن لە هەولێر و دوو شوێن لە سلێمانی و دوو شوێن لە دهۆك، سیستەمی پریپەید تا ئێستا لە بازاڕی لەنگە و سیتییەكی هەولێر و بازاڕی دهۆك و كۆمەڵگەی ئەڤرۆ ستی لە دهۆك و چوار ستی و عەلوەی سلێمانی جێبەجێ كراوە.
وەزارەتی كارەبا بەشێوەی ئەزموونی سەرقاڵی جێبەجێكردنی سیستەمی پریپەیدی كارەبایە و بەو شێوەیە کارەبا دەبێتە ٢٤ کاتژمێری.