لە خۆپیشاندانەکانی شەوی ڕابردووی شاری قەسری شیرین سەر بە پارێزگای کرماشان، گەنجێکی تەمەن ٢٨ ساڵ بە ناوی ئەفشین ئاشام بە تەقەی ڕاستەوخۆی هێزە حکومییەکان گیانی لەدەستدا.
ڕێکخراوی مافی مرۆڤی هەنگاو بڵاویکردەوە، شەوی چوارشەممە 26-10-2022 لە ڕاپەڕینی خەڵکی شاری قەسری شیرین، هێزەکانی حکومەت، دەستڕێژییان لە خەڵک کردووە و لە ئەنجامدا هاووڵاتییەک بە ناوی ئەفشین ئاشام گیانی لەدەستداوە.
بەوتەی سەرچاوەیەکی ئاگادار، هێزەکانی سوپای نەبی ئەکرەمی کرماشان تەرمی ئەفشین ئاشامیان بردووە و هەتا ئێستا ڕادەستی بنەماڵەکەیان نەکردووەتەوە.
ئەفشین ئاشام خەڵکی گوندی سورخەکی سنجاوی و دانیشتوو گەڕەکی پالیاوای قەسری شیرین بووە.