باوكێك كچە تەمەن 15 ساڵانەکەی خۆی كوشت
لە قەزای كفری باوكێك تەقەی لە كچەكەی خۆی كرد و كوشتی.
كچەكە ناوی ئیمان ئەحمەد شكورە و تەمەنی 15 ساڵ بووە، پێشنیوەڕۆی ئەمڕۆ دووشەممە 17-10-2022 لەلایەن باوكییەوە تەقەی لێكراوە و كوژراوە، دواتر بكوژەكە هەڵاتووە.
شایەتحاڵەكانی ڕووداوەكەوە ڕایگەیاند، پاڵنەری كوشتنەكە دەگەڕێتەوە بۆ ناكۆكیی نێوان دایك و باوكی كچەكە، بەو پێیەی لە یەكتر جیابوونەتەوە و كچەكە لەگەڵ دایكیدا ژیاوە، بەڵام باوكی هەوڵیداوە بیباتە لای خۆی و بەهۆی قایلنەبوونی كچەكەوە، باوكی بە دەمانچە تەقەی لێكردووە و كوشتوویەتی.