فڕۆکەکانی تورکیا شەش جار سنووری قەزای ئاکرێ بوردومان دەکەن
پاش نیوەرۆی ئەمڕۆ چوارشەممە 12-10-2022 فرۆکە جەنگیەکانی تورکیا شەش جار گوندی کورتکا لە سنوری ناحیەی دینارتەی سەر بە قەزای ئاکرێ-یان بوردومان کرد.
ئەحمەد ئاکرێیی، خەڵکی گوندی کورتکایە سەر بە ناحیەی دینارتە رایگەیاند”دوای نیوەرۆی ئەمڕۆ فرۆکە جەنگیەکانی تورکیا سنووری گوندی کورتکایان شەش جار بوردومانکردوە و زیانی زۆر بە دار و ژینگەیی گوندەکە کەوتووە”
ئەمە یەکەم جارە فرۆکەی تورکیا لە یەک رۆژدا شەش جار سنووری گوندەکە بوردومان بکات، ئەمەش ترس و دڵەراوکێی لە ناو خەڵکدا دروستکردوە” هاوکات خەڵکی گوندەکە ناتوانن سەرەدانی دەوروبەری ئەو شوێنە بکەن
گوندی کورتکا زیاتر لە 50 ماڵی تێدایە و بە دووری 12 کێلومەتر دەکەوێتە سنووری ناحیەی دینارتەی سەر بە قەزای ئاکرێ.