فەرماندەیەکی حەشدی شەعبی لە پارێزگای سەلاحەددین گیانی لەدەستدا.
رۆژی پێنجشەممە، 6-10-2022، بەرپرسێکی ئەمنی رایگەیاند، فەییاز نەزهان قەیسی، بەرپرسی هێزی بێجیی لیوای 51ی حەشدی شەعبی، لە تەقینەوەیەک گیانی لەدەستداوە.
دواتر حەشدی شەعبی لە راگەیێندراوێکدا هەواڵی کوژرانی فەییاز نەزهان قەیسی، بەرپرسی هێزی بێجی لیوای 51 سەر بە فەرماندەیی ئۆپەراسیۆنەکانی سەلاحەددینی حەشدی شەعبی راگەیاند و ئاماژە بەوە دەکات کە بۆمبی رێکخراوی داعشی پێیدا تەقیوەتەوە.
لیوای 51ی حەشدی شەعبی، گرووپێکی چەکداری سوننەن لەنێو حەشدی شەعبی دا و ساڵی 2014ـەوە دەستی بە چالاکی کرد
بە فەرمانی فالح فەییاز، سەرۆکی دەستەی حەشدی شەعبی، عەلی خالد سەبهان خەلەف جبووری کراوەتە فەرماندەی لیواکە.