ڕوونکردنەوەیەک لەبەڕێوەبەرایەتی ئاسایشی پارێزگای سلێمانیەوە لەدرێژەی هەڵمەتەکانی دەستگیرکردنی تاوانکاران و هەڵهاتوان لەیاسا ، پاش نیوەڕۆی ئەمڕۆ ڕۆژی شەمە ( ٢٠٢٢/٦/١١) ھێزەکانی ئاسایشی سلێمانی لەسەر فەرمانی بەڕێز دادوەر لەگوندی وێڵەیەر نزیک شاری سلێمانی هەستان بەئەرکی جێبەجێکردنی فەرمانی دەستگیرکردنی تۆمەتبارێکی هەڵهاتوو بەناوی ( ک ،ص،أ) کە داواکراو بوو بەپێی ماددەی ( ٤٠٥ / ٣١ ) لەیاسای سزادان و پێشتر چەندین جار لەهەوڵی دەستگیرکردنیدا تەقەی لەهێزەئەمنیەکان کردووە و هەڵهاتووە, ئەم جارەش لەهەوڵی دەست گیر کردنیدا بەچەک ڕووبەڕووی هێزەکانی ئاسایش بوویەوەو لەئەنجامی بەرپەرچدانەوەدا تۆمەتبارەکە کوژرا. بەڕێوەبەرایەتی ئاسایشی پارێزگای سلێمانی