بەڕێوەبەرایەتی هاتوچۆی هەولێر ڕایگەیاند، ماوەیەکە تێبینی دەکرێت کە کۆمەڵێک کەس بەناوی( کوڕە مۆدێل وکچە مۆدێل، یوتیوبەر وسناپەر و ڤاینەر) گرتەی ڤیدیۆیی خۆیان دەگرن لەکاتی لێخوڕین و بڵاویشی دەکەنەوە لەتۆڕەکۆمەلایەتیەکان، بۆیە بەئەرکی خۆمان دەزانین کەسکاڵا لەسەر ئەوکەسانە تۆماربکەین وەسزایان بدەین.
ڕونکردنەوەیەک بۆڕای گشتی…..
ماوەیەکە تێبینی دەکرێت کە کۆمەڵێک کەس بەناوی( کوڕە مۆدێل وکچە مۆدێل یوتیوبەر وسناپەر وڤاینەر) پەیدابون کەگرتەی ڤیدیۆیی خۆیان دەگرن لەکاتی لێخوڕین وەبڵاویشی دەکەنەوە لەتۆڕەکۆمەلایەتیەکان وسۆشیال میدیا،کەئەمەش جگەلەوەی خودی کارەکەیان سەرپێچیە لەیاساکانی هاتووچۆ،لەهەمان کاتدا هاندەرێکیشە بۆخەڵکانی تر کەچاویان لێبکەنەوە وەهەمان سەرپێچی دوبارەبکەنەوە،کەهەمو سەرپێچیەکیش لەیاسای هاتووچۆ ئەگەرێکە بۆکەوتنەوەی ڕوداوێکی هاتووچۆ،وەلەبەر ئەوەی ئێمە لەهاتووچۆ لایەنی بەرپرسین لەکەمکردنەوەی ڕوداوو کارەساتەکانی هاتووچۆ ،بۆیە بەئەرکی خۆمان دەزانین کەسکاڵا لەسەر ئەوکەسانە تۆماربکەین وەسزایان بدەین لەسەر ئەوکارەی کەدەیکەن،وەئێمە لەکاتی ئێستادا بەهەماهەنگی لەگەڵ دەستەی داواکاری گشتی ودادگای لێکۆلینەوەی هەولێرلەسەر خەتین بۆڕێکارەیاساییەکان، لە هەر بڕیارێک کەدەربچێت وجێبەجێبکرێت هەمو لایەک ئاگاداردەکەینەوە.
ئامانجمان پاراستنتانە.
ب هاتووچۆی هەولێر