بەڕێوەبەرایەتی نەهێشتنی ماددە هۆشبەرەکان رایگەیاند، دوو تۆمەتباریان بە 15کیلۆ ماددەی هۆشبەری جۆری (کریستاڵ)ەوە دەستگیرکردووە.
بەڕێوەبەرایەتی نەهێشتنی ماددە هۆشبەرەکان لە راگەیەنراوێکدا دەڵێ” لە چالاکییەکی بەڕێوەبەرایەتی نەهێشتنی ماددە هۆشبەرەکان، شەوی 25.7.2020 لەلایەن هێزەکانی بەڕێوەبەرایەتی نەهێشتنی ماددە هۆشبەرەکان لە شاری هەولێر، توانرا دەست بەسەر 15کیلۆ ماددەی هۆشبەری جۆری (کریستاڵ)دا بگیرێت و دوو تۆمەتباریش بە ناوەکانی ( ع.س.ح – ا.م.م ) دەستگیربکرێن.
لە راگەیەنراوەکەدا هاتووە “تۆمەتبارەکان خەڵکی قەڵادزێن و ماددە هۆشبەرەکەیان لە ئێرانەوە بە قاچاخ هێناوە و ویستوویانە رەوانەی تورکیای بکەن”.
تۆمەتبارەکان بەپێی ماددەی 14ی یاسای هۆشبەرەکان پەڕاوی لێکۆڵینەوەیان بۆ کراوەتەوە.