تادێ ڕێژەی توشبوان بە ڤایرۆسی کۆرۆنا بەرز دەبێتەوە، هاوکات لە سنوری ئیدارەی ڕاپەڕین هیچ شوێێک نەماوە بۆ داخڵکردنی توشبووی تازە لە نەخۆشخانەکان و سەنتەری کۆڕۆنا، بۆ ئەم مەبەستەش ئەم بڕیارانە دەرکران.
1ـ سەردانیکردنی نەخۆش بەهەموو شێوەیەک قەدەغەیە.
2ـ نەخۆش تەنها یەک هاوەڵی لەگەڵ دەبێت و ڕێگە تەنها بەیەک کەس دەدرێت بۆ داخڵبون لەگەڵ نەخۆش لەناو نەخۆشخانەدا.
3ـ پێویستە هەمووئەوانەی داخڵی ناو ناوەندە تەندروستیەکان دەبن پابەندی بەکارهێنانی پێداویستیە خۆپارێزیەکان بن.
ڕاگەیاندنی بەڕێوەبەرایەتی پۆلیسی ڕاپەڕین داوا لە هاوڵاتیانی خۆشەویستی سنوری ئیدارەی ڕاپەڕین دەکات پابەندی بڕیاڕەکان بن و هاوکاری کارمەندانی پۆلیس بن لە نەخۆشخانەکان، دواجار داوای ئێمە بۆ پاراستنی گیانی هەموو لایەکە بۆ خۆبەدورگرتن لەو ڤایرۆسەی بۆتە هەڕەشەیەکی گەورە بۆ سەر مرۆڤایەتی
بەڕێوەبەرایەتی پۆلیسی ڕاپەڕین
ڕاگەیاندن و پەیوەندیەکان