له‌سه‌ر بڕيارى و ڕاسپارده‌كانى ژوورى ئۆپه‌راسيۆنى پارێزگاى هه‌ولێر، لێژنه‌كانى پشکنين وچاودێری قائيمقاميه‌تى ناوه‌ند و به‌ڕێوه‌به‌رايه‌تى گه‌شت و گوزار و ناحييه‌ى عه‌نكاوه، ئه‌مرۆ هه‌ينى 2021.7.30، بەھۆی پابەند نەبوون به‌بڕيار و ڕيكاره‌كانى ژوورى ئۆپه‌راسيۆنى پارێزگاى هه‌ولێر و جێبه‌جێنه‌كردنى ڕێنماييه ته‌ندروستيه‌كان و ڕێكاره‌كانى خۆپارێزى، له‌هه‌ولێر (7) يانه‌ى شه‌وانيان داخست و ڕێكارى ياسايىش بەرامبەر به خاوەنەکانیان دەگيرێته‌به‌ر.
جێگه‌ي باسه، ئه‌م هه‌ڵمه‌ته‌ى لێژنه‌كانى پشکنين و چاودێری به‌رده‌وامه و ئامانج لێى پاراستنی تەندروستی و سەلامەتی ھاووڵاتیان و دڵنیابوونە لە جێبەجێکردنی ڕێنماییە ته‌ندروستيه‌كان و ڕێكاره‌کانى خۆپارێزى و بريار و ڕاسپارده‌كانى ژوورى ئۆپه‌راسيۆنى پارێزگاى هه‌ولێر.