کۆماری ئیسلامی ئێران مەرزی حاجی ئۆمەرانی بە ڕووی گەشتیاراندا داخست.
بەشی راگەیاندن و پەیوەندییەکانی کۆمەڵگەی دەروازەی نێودەوڵەتیی حاجی ئۆمەران ڕایگەیاند، ئێران ئاگاداری کردوونەتەوە کە لە کاژێر 02:00ی پاشنیوەڕۆی رۆژی یەکشەممەوە تاوەکو دوو هەفتەی دیکە دەروازەکە بەڕووی گەشتیاراندا دادەخات.
مەرزی حاجی ئۆمەران ئاماژە بەوە دەکات، ئاگاداری گشت هاووڵاتیان و گەشتیارانی خۆشەویست دەکەینەوە، کە ئێران بە رێگەی پەیوەندییەکانەوە ئاگاداری کردووینەتەوە کە حکومەتی ئێران بڕیاری داوە کاژێر 02:00ی پاشنیوەڕۆی رۆژی یەکشەممە 21-02-2021 دەروازەی نێودەوڵەتیی حاجی ئۆمەران لەڕووی گەشتیارییەوە بۆ ماوەی 2 هەفتە دادەخات.