نەخشەی نوێی زەوییەکانی قەرەبووی گوندی کۆری تەواو بوو و هاوبەشان دەتوانن بە دیزاینی نوێ زەوییەکانیان بکەنە خانوو.
شارەوانی هەولێر ڕایگەیاندووە، ئەو خەڵکەی کە زەوییەکانی قەرەبووی گوندی کۆرییان پێدراوە تەواو کراوە.
دەقی ڕاگەیەنراوەکە
دوای هەوڵ و ماندووبوونی لێژنەی سەرپەرشتیکاری زەوییەکانی قەرەبووی گوندی کۆری لەڕێگەی لێژنەکانی نەخشەدانان لە سەرۆکایەتی شارەوانی هەولێر و بەڕێوەبەرایەتی گشتی نەخشەدانانی ئاوەدانی، بەڕێوەبەرایەتی نەخشەدانانی ئاوەدانی هەولێر، کارەکانی ڕاستکردنەوەی نەخشەی زەوییەکان کە لەبەرژەوەندی ئەو خەڵکەیە کە زەوییەکانی قەرەبووی گوندی کۆریان پێدراوە تەواو کرا، بۆیە لە نزیکترین کاتدا سەرۆکایەتی شارەوانی هەولێر لەگەڵ نوێنەری سوودمەندانی زەوییەکانی گوندی کۆری کۆدەبێتەوە بۆ پێدانی زانیاری زیاتر لەبارەی زەوییەکان و جێبەجێ کردنی ڕێکارەکان.
ڕاگەیاندنی سەرۆکایەتی شارەوانی هەولێر