بەڕێوەبەرایەتی ئاسایشی ئاکرێ ڕایگەیاند، دەستیان بەسەر 26 کیلۆگرام ماددەی هۆشبەردا گرتووە.
بەڕێوەبەرایەتی ئاسایشی قەزای ئاکرێ لە راگەیەنراوێکدا دەڵێ” لەبەردەوامی هەوڵەکانمان بۆ بنبڕکردنی نەهێشتنی ماددە هۆشبەرەکان، ئەمڕۆ رێکەوتی 3.12.2020 دوای داڕشتنی پلانێکی تۆکمە و کۆکردنەوەی زانیاری ورد و چاودێری لەلایەن بەڕێوەبەرایەتی ئاسایشی ئاکرێ، لە چوار ریانی شێخان توانرا دەستبگیرێت بەسەر بڕی 26 کیلۆ گرام ماددەی هۆشبەر لەجۆری ( هێرۆین ) لەگەڵ دەستگیرکردنی دوو تۆمەتبار کە دانیان بەتاوانەکەیاندا ناوە.
ئاماژەی بەوەشکردووە، تۆمەتبارەکان بەپێی ماددە 14ی لەیاسای ماددە هشبەرەکان رەوانەی دادوەری لێکۆڵینەوە کراون.