فەرمانگەی مێدیا و زانیاریی ئەنجوومەنی وەزیران رایگەیاند، ئەمڕۆ چوارشەممە ئەنجوومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆكی حكومەت و ئامادەبوونی قوباد تاڵەبانی، جێگری سەرۆكی حكومەت کۆدەبێتەوە و تاوتوێی چوار پرس دەکات، ئەوانیش:-
• پرسی مووچە و پرۆژە یاسای بوودجەی ساڵی 2021 ی فیدراڵی عێراق.
• پرۆژەی دیراسەكردن و رێكخستننەوەی رسوومات كە لە بەرانبەر پێشكەشكردنی خزمەتگوزاری وەردەگیرێت.
• دامەزراندن و تۆماركردنی كۆمپانیای نوێ لە بوارەكانی تەندروستی و دەرمان و پێداویستیی پزیشكی.
• پرۆژەی تایبەت بە (دەرماڵە لەبڕی پەككەوتەیی) لە چوارچێوەی یاسای چاكسازیی لە مووچە و دەرماڵە و بەخشین و ئیمتیازەكان و خانەنشینی لە هەرێمی كوردستان – عێراق.