كاروان كه‌لاری/ باڵكێش
بەڕێوەبەرایەتی بانكی خوێنی هەولێر بانگه‌وازێكی بڵاوكردووه‌ته‌وه و ده‌ڵێت، “داوای بەپەلە لە خوێنبەخشانی بەڕێز ده‌كه‌ین به‌زووترین کات سەردانی بانکی خوێن بکەن به‌مەبەستی خوێن بەخشین.”
بانكی خوێن، داوا لە کۆمەڵە و ڕیکخراوەکانی خوێن بەخشین و میدیاكان و پەیجەکانی تۆڕە كۆمه‌ڵایه‌تییه‌كانیش ده‌كات هەماهەنگ بن و ڕۆڵی خۆیان بگێڕن و هاوكاربن.
ده‌شڵێت، “ئەو كەسانەی سەردان دەكەن لە كاتژمێر 8ی بەیانی بۆ 8ی شەو سەردانی بانكی خوێن بكەن لە پشت نەخۆشخانەی ڕزگاری.”