سوپای تورکیا زنجیرە چیای “خامتیر”ی تۆپبارانکرد
كاروان كه‌لاری/ باڵكێش
به‌ره‌به‌یانی ئه‌مڕۆ سێشه‌ممه، 17ی تشرینی دووه‌م، سوپای تورکیا نزیكه‌ی كاتژمێرێك زنجیرە چیای “خامتیر”ی سنووری ناحیەی دەرکاری تۆپبارانکرد.
دانیشتووانی گونده‌كانی بناری چیای خامتیر ده‌ڵێن، زیاتر له 20 گولـلە تۆپ گیراوه‌ته زنجیرە چیاکه، به‌ڵام زیانی گیانی لێنه‌كه‌وتووه‌ته‌وه.
ئه‌مه له‌كاتێكدایه، كه ئه‌م مانگه فه‌رمانگه‌ی وه‌ڵامدانه‌وه‌ی ڕاپۆرته نێوده‌وڵه‌تییه‌كان له حكومه‌تی هه‌رێمی كوردستان له ڕاپۆرتێكدا ئاماژه‌ی به‌وه كرد، كه له‌ماوه‌ی 5 ساڵی ڕابردوودا، له‌لایه‌ن توركیا و ئێرانه‌وه 272 جار بۆردومان و تۆپبارانی ناوچه‌كانی هه‌رێمی كوردستان كراوه.